Azərbaycanda 500 avroluq əskinaslar yayılıb - DİQQƏTLİ OLUN
Azərbaycanda yüksək keyfiyyətlə çap olunmuş 500 avro nominallı saxta əskinaslar aşkarlanıb
Azərbaycan Respublikası Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları keçirilən uğurlu əməliyyat tədbirləri nəticəsində yüksək keyfiyyətli saxta avro əskinaslarını müsadirə ediblər. GUNDEMİNFO.AZ yazır ki, bu barədə Sputnik-ə Daxili İşlər Nazirliyindən məlumat verilib. Əməliyyatçılar saxta valyuta istehsal edən cinayətkar qruplaşmanın izinə düşüblər. Hələlik təxminən 3 min avroya yaxın 500 avro nominallı əskinaslarları geri qaytarmaq mümkün olub. Azərbaycanın Ədliyyə Nazirliyi yanında Məhkəmə Ekspertizası Mərkəzinin ekspertlərinin bildirdiyinə görə, saxta əskinasları tanımaq çox çətindir. Görünür bu saxta əskinaslar Azərbaycanda hazırlanmayıb.
Bununla belə, Mərkəzin ekspertləri əlavə ediblər ki, 500 avro nominallı saxta əskinaslar çoxdan avropalılar üçün baş ağrısına çevrilib. RİAN.RU Azərbaycanda saxta pul satan belçikalılara hökm oxunub Avropa Mərkəzi Bankı (AMB) xeyli vaxtdır ki, bu nominallı banknotları avro məkanından çıxarmağı düşünür. AMB bu addımı valyutanın saxtalaşdırılması problemini aradan qaldırmaq məqsədilə atmağı planlaşdırır. Saxta beşyüzlük əskinaslardan cinayətkarlar, xüsusilə başda terror aktları olmaqla qanunsuz fəaliyyətlərin dəstəklənməsi üçün maliyyə dəstəyinin verilməsi zamanı istifadə edirlər. Almaniyada yaşayan, adının çəkilməsini istəməyən həmyerlimiz bank əskinaslarının saxtalaşdırılması ilə bağlı maraqlı versiya irəli sürüb.
Onun sözlərinə görə, Avropa Mərkəzi Bankının böyük nominallı əskinaslardan imtina etməsinin əsas səbəbi saxta pul istehsal edənlər yox, maliyyə böhranıdır. Mənbənin sözlərinə görə, saxta pulun dövriyyəyə buraxılmasının əsas səbəbi AMB-nin 500 avroluq əskinasları dövriyyədən geri çəkməsidir. Əslində bu, Avropa banklarının yaşadığı maliyyə böhranını daha da dərinləşdirib. "Əvvəllər bank hesablarından gün ərzində 10 min avro çəkmək mümkün idi. Sonra bu məbləğ 5 minə, daha sonra isə 2,5 minə qədər azaldıldı. Hal-hazırda banklardan gün ərzində 1000 avrodan çox pul çəkməyə icazə verilmir. Ona görə də avropalılar pullarını evlərində qoruyub saxlayırlar.
Hamı öz kapitalını 500 avroluq əskinaslarda qoruyub saxlamağa çalışır" — deyə mənbə bildirib. Bu, ona gətirib çıxarıb ki, alman banklarında əmanətçilərin sayı 30 faiz azalıb. Ən məşhur alman bankı bu il ərzində 11 milyard avro itirib. Avropa əhalisi arasında 500 avroluq əskinasların ən populyar olduğunu biləndən sonra, saxta pul kəsənlərin niyə məhz bu əskinasa üstünlük verdiyi aydın olur.
