Hollivudun ulduz cütlüyü boşanır
Məşhur Hollivud aktyoru Conni Depp boşanır. Aktyorun həyat yoldaşı bunu açıq şəkildə bildirib.
ANS PRESS-in məlumatına görə, məşhur kino cütlüyü Ember Herd və Conni Depp ayrılmağa qərar veriblər. Aktrisa boşanma sonrası aliment tələb etdiyini bildirib. Emberdən boşanma səbəbini soruşduqda isə "ziddiyətləri həll edə bilmədik", - deyə cavab verib. Cütlük artıq bir ildir ki, ailə həyatı qurub. Ember Herd rəsmi sənəddə anasının ölümündən iki gün sonra - 22 mayda ayrıldıqlarını mətbuata bildirib.
Conni Depp və Ember Herd 2011-ci ildə "Rom gündəliyi" filminin çəkilişləri zamanı tanış olublar. 2013-cü ildə nişanlı olduqlarını ictimaiyyətə çatdıran kino ulduzları iki sonra, 2015-ci ildə bir-birilə evlənib. Nikah müqaviləsi imzalamayan Conni ilə Ember əvvəldən KİV-lərin və pərəstişkarlarının diqqət mərkəzində olublar.
Bu aktyor Conni Deppin sayca 3-cü evliliyi idi. Hər zaman məşhur və cazibədar xanımlar eşq macəraları yaşayan Conni həm də Hollivudun ən gəlirli aktyorlarından sayılır. Oskar mükafatına layiq görülməsə də, Deppin Hollivud bulvarında öz ulduzu var.
