Səidə Dilarəni rüsvay etdi: "Atası, anası hara baxır?"
Müğənni Səidə Dadaşova "Eurovision 2014" təmsilçimiz Dilarə Kazımovanı çimərlik fotosessiya etdirdiyi üçün tənqid edib.
BiG.AZ xəbər verir ki, ifaçı Dilarə Kazımovanı zövqsüz adlandırıb. S.Dadaşova bildirib ki, bizim ifaçılar Beyons, Şakira kimilərinə baxıb lütlənirlər:
"Çimərlikdə yox, lüt etsin fotosessiyanı. Bəsdirin, güldürdük. Sənət adamı işi ilə, səsi ilə fərqlənməlidir. Hamı bunu edə bilər. Əslində sənət adamı örnək olmalıdır - səslə, geyimlə, özünü aparmağı ilə. Ən sadə yola əl atıb. Bu cür peşəkar stilistlərimiz var. Madam geyinməyi bacarmır, onlara müraciət etsin. Daha da zövqlü və cool görünər. Nəinki adi çimərlikdə. Bizimkilərin çoxu ona-buna baxıb Beyons, Şakira kimilərindən ibrət alıb təkrarlanır. Özünüz olun, fantaziyanız olsun. "Eurovision"dur deyə lüt olmaq lazımdır? Bunun valideynləri hara baxır? Ay Allah, uçuruma gedirik".
