“Eurovision-2016“nın qalibi: “Azərbaycana gəlmək istəyirəm“
"Eurovision-2016" yarışmasının qalibi, "1944" mahnısı ilə dünya şöhrəti qazanmış Ukrayna təmsilçisi Camala (Jamala) Missiya.Az-a müsahibə verib
Müğənni əvvəlcə "Eurovision-2016"-dan sonra yaşadığı unudulmaz anlardan danışıb:
- Müsabiqədən sonra əlbəttə ki, çox gərgin görüş qrafikimiz yarandı. Müxtəlif məkanlarda tədbirlər, rəsmi qəbullar, mükafatlandırma mərasimləri keçirildi və inanın, bəzən bütün bunların hamısnda iştirak etmək üçün vaxt qalmırdı. Mən başa düşürdüm ki, Ukraynanın indiki mərhələdə Avroviziya müsabiqəsinə ev sahibliyi etməsi çox vacibdir və ona görə də insanlarımızın bu qələbəyə xüsusi diqqət ayırması təbii idi. Çalışırdım ki, dəvət olunduğum yerlərdən qalmayım, mənə göstərilən diqqəti cavabsız qoymayım. Əlbəttə, ən yaddaqalan tədbir Prezident Poroşenkonun təşkil etdiyi qəbul idi. Dövlət başçısı Ukraynanın əldə etdiyi uğura görə çox sevinirdi.
- İfa etdiyiniz mahnı Avroviziya müsabiqəsinin formatına bir qədər uyğun gəlmirdi. Niyə hesab etdiniz ki, bu mahnı sizə uğur gətirəcək?
- Bəli, mahnı formata uyğun gəlmirdi və bilridim ki, bir çoxları mənim seçimimi risqli hesab edir. Lakin içimdə bir əminlik var idi ki, mən bu mahnı ilə ürəkləri fəth edəcəm. Bilrisiniz, mahnıda çox ağır bir mövzuya toxunulur. Bu, mənim, ailəmin, doğlmalarımın yaşadığı faciədir. Nənəm Nazlıxan mənə Krım tatarlarının başına gətirilən müsibətdən danışmışdı və elə bu da məni belə bir mahn yazmağa sövq etdi. Lakin bu mahnını hər dəfə və harada gəldi oxuya bilmirdim. Onu xüsusi bir qovluqda qoruyurdum. Hətta “Podix” adlı albomuma da anu salmadım. Lakin bir anda mənə elə bir hiss gəldi ki, mahnını qovluqdan çıxarmalı oldum və qəti qərara gəldim ki, Avroviziyada məhz onu oxuyum.
- Siz Azərbaycanda bir neçə dəfə olmusunuz. Ölkəmiz xoşunuza gəlirmi?
- Bəli, mən ötən illərdə Bakıda bir neçə dəfə olmuşam və sizin ölkəniz məni valeh edib. Orada Polda Bülbüloğlunun adına düzənlənmiş müsabiqədə də iştirak etmişəm. Hətta Bakıda Polad Bülbüloğlunun özü ilə də görüşmüşəm. Çox unudulmaz xatirələrim var Azərbaycanla bağlı. Sizin çox mehriban və qonaqpərvər insanlarınız, dadlı yeməkləriniz var. Azərbaycanın folklor musiqisini isə çox sevirəm. Hətta bir neçə xalq mahnısını əzbər bilirəm. Bilirsiniz, mən Rəşid Behbudovun, Polad Bülbüloğlunun və əlbəttə ki, Vaqif Mustafazadənin mahnıları ilə böyümüşəm. Bu mahnılar mənim musiqiçi kimi yetişməyimdə çox böyük rol oynayıb.
- Bəs indiki musiqiçilərdən kimisə tanıyırsınızmı?
- İndiki musiqiçlərinizdən, məsələn Ömər Hakimin adını çəkə bilərəm. O, dünyaca məşhur barabançıdır. Ümumiyyətlə, Azərbaycanın fokal məktəbi də çox güclüdür və sizin çoxsayda istedadlı musiqiçiləriniz var.
- Yenidən Bakıya qonaq gəlməyi planlaşdırırsınızmı?
- İnanın, çox istəyirəm ki, yenidən Bakıya gəlim. Ümid edirəm ki, bu istəyim gerçəkləşəcək. Bilirəm ki, orada mənim xeyli pərəstişkarım var və Avroviziya musabiqəsi zamanı da mənə dəstək veriblər. Fürsətdən istifadə edib Azərbaycandakı bütün dostlarımı və məni sevənləri salamlayıram.
