Avtomobil qəzası törədən əkizlərin efirdəki yeri boş qalmadı
Ötən gün səhər saatlarında yeni aldıqları avtomobillə qəzaya düşən Sevil və Sevinc bacıları (onlardan biri 87 yaşlı kişini maşınla əzib) bu gün aparıcısı olduqları “Hər şey daxil” proqramının efirinə çıxmayıblar.
Musavat.com xəbər verir ki, bacıları teleaparıcı Fira Cəlilova əvəz edib.
Qeyd edək ki, bacılardan birinin(hansı olduğu açıqlanmır) idarə etdiyi “Dodge Durango” markalı avtomobil İçərişəhərin yaxınlığında, “Qoşa qala qapısı” adlanan ərazidə yolu keçən yaşlı bir kişini vurub. Həkimlər xəstəxanaya yerləşdirilən 87 yaşlı piyadanın vəziyyəti ağır olduğunu bildirib.
