"Gözlərimi itirməkdən qorxuram"
Müğənni Nadir Qafarzadə gözündən əziyyət çəkir. Axşam.az-ın məlumatına görə, sənətçi bu haqda “Onlar”a açıqlamasında deyib. O, yaxın günlərdə ikinci dəfə əməliyyat olunacağını bildirib: “Gözümdə problemlər yaranıb, yaxını görmürəm. Bilmirəm bu telefonla bağlıdır, yoxsa nəylə. Telefona çox baxıram, şüadır. Gözümdə sulanma olur. Müayinə olundum, əməliyyat edildi. Dedilər eynək taxmalısan, məsləhətə qulaq asmadım. İndi əziyyət çəkirəm. İkinci dəfə əməliyyat olunmalıyam. Gözlərimi itirməkdən qorxuram”.
