Azərbaycan orta ömür müddətinə görə bütün Avropa ölkələrindən geridədir
Yeniavaz.com xəbər verir ki, bu barədə məlumat “Eurostat”ın açıqladığı sonuncu göstəricilərdə yer alıb.
Məlumat üçün bildirək ki, Lixtenşteyndə qeydə alınan orta ömür müddəti Azərbaycan ilə müqayisədə 10 il yüksəkdir. Belə ki, Dövlət Statistika Komitəsinin açıqladığı sonuncu məlumatda Azərbaycanda orta ömür müddətinin 76,9 il olduğu göstərilib.
Qeyd edək ki, Azərbaycan orta ömür müddətinə görə bütün Avropa ölkələrindən geridə qalıb. Avropada ən aşağı orta ömür müddəti Bolqarıstanda qeydə alınıb – 79,7 il.
