Bakının üç küçəsi beş günlük bağlanır
Bakıda bir sıra küçələrdə yollar bağlanır. Virtualaz.org Nəqliyyatı İntellektual İdarəetmə Mərkəzinə (NİİM) istinadən bildirir ki, bu gün saat 14:00-dan başlayaraq Nərimanov rayonunun Mayakovski, Çaykovski və Hidayətzadə küçələrində (10 saylı ünvanda, Mayakovski küçəsinin hərəkət hissəsinin eninə keçməklə, Mayakovski və Çaykovski küçələrinin hərəkət hissəsi boyu İ.Hidayətzadə küçəsinə qədər) gedən istilik xəttinin mərhələlərlə dəyişdirilməsi üçün asfalt örtüyü söküləcək.
İşin icrasının hər mərhələdə icazə verilmiş 5 iş günü ərzində başa çatdırılması nəzərdə tutulub. Qeyd edək ki, təmir işləri "Azəristiliktəchizat" ASC tərəfindən aparılır.
