Neptun supermarketi bağlanır?
2003-cü ildə Azərbaycanda qida sektorunda fəaliyyətə başlamış "Neptun" supermarketlər şəbəkəsi ağır günlərini yaşayır.
Gundeminfo.az xəbər verir ki, "Marja"nın yaydığı məlumatına görə, şəbəkənin Sabunçu rayonu, Bakıxanov qəsəbəsi, Muxtar Fətəliyev küçəsindəki (Park Plyus Əyləncə Mərkəzinin 1-ci mərtəbəsi) supermarketi bağlanıb. Qeyd edək ki, bu ünvan yaxınlığında tanınmış "Bazarstore" və "Araz" supermarketləri, həmçinin kifayət qədər alıcıları olan "Gloriya" və "Nərmin" market fəaliyyət göstərir.
Son vaxtlar "Neptun"un Bakıxanov şöbəsi alıcı qıtlığı yaşayırdı.
Məsələ ilə əlaqədar Milli.Az-ın sorğusuna cavab olaraq "Neptun" supermarketlər şəbəkəsindən bildiriblər ki, hazırda şirkətin bütün rəhbər heyəti iclasdadır. İclasdan sonra açıqlama veriləcək.
