Bu ayaqqabılarla insanlar daha sürətli hərəkət edəcək - VİDEO
KONKRET.az “TRT Haber”ə istinadən xəbər verir ki, şirkət rəsmiləri “Moonwalkers” adlı ayaqqabını 1400 dollara satmağı planlaşdırır.
Qeyd edək ki, ayaqqabılarda ilk baxışdan konkini xatırladan 8 kiçik təkər var. Lakin bu təkərlər konkilərdən fərqli olaraq bir sırada düzülmür. Şirkət rəsmiləri bu yolla istifadəçilərin balans problemi yaşamayacağını iddia edir.
Bundan əlavə, məhsulda ayaq hərəkətlərini hiss edərək təkərləri sürətləndirməyə və ya yavaşlatmağa imkan verən süni intellekt mexanizmi var.
Eyni zamanda, xüsusi ayaq hərəkətini aşkar edən və təkərləri tamamilə kilidləyən süni intellekt alqoritmi pilləkənlərdə istifadə üçün nəzərdə tutulub.
Şirkət tədqiqatçılarının fikrincə, insanların orta sürəti saatda 4 kilometrdən başlayır. “Moonwalker” isə istifadəçilərin sürətini saatda 11 kilometrə qədər artırır.
