Türk Ordusu "Fərat qalxanı" əməliyyatlarını davam etdirəcək
Türkiyə Silahlı Qüvvələri Suriyanın Əl-Bab şəhərinin İŞİD terror təşkilatından azad olunmasınadək "Fərat qalxanı" çərçivəsində hərbi əməliyyatları davam etdirəcək.
Modern.az xarici KİV-ə istinadən xəbər verir ki, bunu Türkiyənin xarici işlər naziri Mövlud Çavuşoğlu deyib.
Onun sözlərinə görə, Türkiyənin məqsədi regionun İŞİD terrorçularından təmizlənməsidir: "Bu region qaçqınların öz evlərinə qayıtması üçün təhlükəsiz olmalıdır".
