Ukrayna Avropa İttifaqı ölkələri ilə vizasız rejimə keçir
Avopa İttifaqına daxil olan ölkələr müəyyən şərtlər altında Ukrayna ilə vizasız rejimin tətbiqinin təsdiqi ilə bağlı ilkin qərar verib. "RİA Novosti" xəbər verir ki, Avropa İttifaqı Şurasının bununla bağlı yaydığı bəyanatda deyilir: "Şura Ukrayna ilə vizasız rejimin liberallaşdırılması ilə bağlı danışıqların mövqeyini təsdiq edir".
Qeyd edək ki, ötən ilin dekabrında Avropa Komissiyası bəyan etmişdi ki, Kiyev vizasız rejimə keçidlə bağlı tələb olunan şərtləri yerinə yetirib. Amma müvafiq qərarın qəbulu indiyə qədər ləngiyirdi.
