Kiyevdə 338 ədəd kanalizasiya quyusu qapağı oğurlanıb
2016-cı ilin əvvəlindən Ukraynanın paytaxtı Kiyev şəhərində 338 ədəd kanalizasiya quyusu qapağı oöurlanıb. Virtualaz.org “İnterfaks”a istinadən xəbər verir ki, bu barədə “Kiyevvodokanal” müəssisəsinin hesabatında bildirilib.
Mütəxəssislərin fikrincə, kanalizasiya quyularının qapaqlarını oğurlayanlar onları metal qəbul məntəqələrinə təhvil verib əvəzində pul alırlar. Bu cür qapaqların qiymətlərinin 40 dollardan 200 dollara qədər dəyişdiyini nəzərə alsaq, belə oğurluqlar şəhər təsərrüfatına ciddi maddi ziyan vurur.
