Poroşenko rusiyalı jurnalistləri pərt etdi
Ukrayna prezidenti Pyotr Poroşenko Helsinkiyə səfəri zamanı rusiyalı jurnalistlərin suallarını cavablandırmaqdan imtina edib.
AzVision.az xəbər verir ki, “İnterfaks-Ukraina”nın yaydığı məlumata görə, Poroşenko Donbas azad olunmayınca Rusiya mətbuatına açıqlama verməyəcəyini deyib. “Ukraynalıları öldürməyə son qoyun və ərazimizi azad edin”, - deyə Poroşenko Rusiyaya səslənib. Xatırladaq ki, Poroşenko bundan öncə də rusiyalı jurnalistlərə müsahibə verməkdən imtina etmişdi.
