Adı Rövşən Lənkəranskinin qətlində hallanan azərbaycanlı Tbilisidə öldürülüb FOTOLAR
Tbilisidə qətlə yetirilmiş Azərbaycan vətəndaşının kimliyi məlum olub.
APA-nın yerli bürosu “Rustavi 2” televiziya kanalına istinadla xəbər verir ki, öldürülən şəxs, 1975-ci il təvəllüdlü Elçin Məmmədovdur.
Kanalın yaydığı xəbərə görə, E. Məmmədovun adı “qanuni oğru” Rövşən Lənkəranskinin qətlində hallanıb.
***
13.40
Ötən gecə Tbilisidə qətlə yetirilən şəxs Azərbaycan vətəndaşıdır.
APA-nın yerli bürosunun məlumatına görə, Gürcüstanın Daxili İşlər Nazirliyi tərəfindən faktla bağlı Cinayət Məcəlləsinin iki - düşünülmüş qətl və odlu silahın qanunsuz əldə olunması, saxlanılması və daşınması maddəsi üzrə cinayət işi başlanıb.
***
10.42
Gürcüstanın paytaxtı Tbilisi şəhərinin Abanotubani rayonunda ötən gecə azərbaycanlı odlu silahla qətlə yetirilib.
APA-nın yerli bürosunun məlumatına əsasən, onun meyiti “Toyota” markalı avtomobildə aşkar olunub. Həmin şəxsin Rusiyada cinayət əməllərinə görə axtarışda olduğu bildirilir.
Digər məlumatlara əsasən, qətlə yetirilən şəxs Azərbaycan vətəndaşıdır.
Hadisə şahidlərinin sözlərinə görə, atəş səslərindən öncə qətlə yetirilmiş şəxs başqa şəxslə restoranda olub və onlar mübahisə ediblər.
Bütün gecə ekspert-kriminalistlər hadisə yerində istintaq tədbirləri həyata keçiriblər.
Faktla bağlı hələlik saxlanılan yoxdur.
Gürcüstan Daxili İşlər Nazirliyi faktla bağlı hələ rəsmi məlumat yaymayıb.
