Ermənistanda 180-dən çox vəkil tətil edir
APA-nın məlumatına görə, bu gün keçirilən tədbirdə 180-dən çox vəkilin sentyabrın 13-dən tətil elan etdiyi açıqlanıb. Onlar məhkəmələrdə və cəzaçəkmə müəssisələrində qanunsuz axtarışlara və baxışlara məruz qalmalarına narazılıq bildiriblər.
Vəkillərin adından yayılmış bəyanatda deyilir ki, onlar bu addımları ilə Ermənistanda hüquq müdafiəsi sahəsində qanunsuzluqlara, vəkillərə təzyiqlərə, onların peşəkar və şəxsi toxunulmazlıq hüquqlarına hörmət olunmamasına etiraz edirlər.
