Bərdədə qəbirlərin sinə daşını oğurlayan şəxs saxlanılıb
Bərdədə qəbirlərdən sinə daşı oğurlayan şəxs saxlanılıb. "Report"un xəbərinə görə, hadisə Cəyirli və Güloğlu kənd qəbirstanlıqlarında qeydə alınıb. Belə ki, hər iki qəbirstanlıqdan ümumi olaraq 2 ədəd mərmərdən olan sinə daşı və 2 ədəd mərmərdən olan güldan oğurlanıb. Bərdə Rayon Polis Şöbəsinin əməkdaşları keçirdiyi əməliyyat-axtarış tədbirləri nəticəsində qəbirstanlıqlardan oğurluq etməkdə şübhəli bilinən Ceyhun Sultanov saxlanılıb.
