Türkiyədə ailə faciəsi: Əmi azyaşlı qardaşı qızını öldürüb
Türkiyənin Giresun vilayətində ötən il baş verən cinayətin üstü açılıb.
DHA məlumat verir ki, Bulancak rayonunda bağçada otlayan heyvanlara baxmağa gedən yeddi yaşlı İkranur Tirsinin yoxa çıxdıqdan üç gün sonra meyiti aşkar edilib.
Səkkiz ay davam edən istintaqdan sonra azyaşlını öldürənin doğma əmisi - on dörd yaşlı Sinan Tirsi olduğu müəyyənləşib. O, qətli törətdiyini etiraf edib.
S.Tirsinin böyük bacısı Ayşe Tirsi isə dəlilləri gizlətməklə qardaşına köməklik göstərib.
