Sabiq məmurun gəlininin intiharı ilə bağlı araşdırma başladı
Bu barədə sosial şəbəkələrdə onun yaxınları məlumat verib. Bildirilir ki, 1990-cı il 26 may təvəllüdlü Nəbizadə Turan 22 avqust 2021-ci il tarixində intihar edib. Ata-anası Rusiya Federasiyasında yaşayan Turanın valideynləri bu gün gəlib cəsədi morqdan götürəndə, 10 illik ailədən heç kim morqa gəlməyib və dəfndə iştirak etməyib.
İddialara görə, Turan uzun müddət ailədaxili psixi zorakılığa məruz qalıb. Qeyd də edək ki, Turan Nəbizadənin qayınatası alim, Fizika-riyaziyyat üzrə fəlsəfə doktoru Rauf Tağıyevdir. O, bir sıra yüksək vəzifələrdə çalışlb, o cümlədən Dövlət Əmək Müfəttişliyində rəis olub.
Xətai rayon prokurorluğu tərəfindən Cebhe.info-nun sorğusuna cavab olaraq bildirilib ki, 2021-ci il avqustun 22-də saat 01 radələrində 1990-cı il təvəllüdlü Nəbizadə Turan Məmmədəli qızının özünü yaşadığı evin yataq otağının balkonundan ataraq intihar etməsi faktı ilə bağlı hazırda rayon prokurorluğunda araşdırma aparılır.
