Azərbaycanın şimal rayonlarına qar yağır
Azərbaycanın şimal rayonlarına -Quba, Qusar və Xızı rayonlarına qar yağır. Virtualaz.org-un yerli bürosundan verilən xəbərə görə, qar yağması bu gün səhərdən başlayıb. Qubanın Qonaqkənd, Xızının Altıağac yaşayış məntəqələrində qarın hündürlüyü 2 santimetrə çatır.
Mütəxəssislərin sözlərinə görə, bu cür hava şəraiti noyabr ayında şimal bölgəsi üçün xarakterikdir. Amma maraqlıdır ki, dəniz səviyyəsindən 2 min metrdən çox yüksəklikdə yerləşən Xınalıq kəndində nəinki qar, ümumiyyətlə, yağıntı müşahidə olunmur.
