Konstitusiya Məhkəməsinin iclasının vaxtı bəlli oldu - seçkilərlə bağlı
Milli Məclisə keçirilən seçkilərlə əlaqədar Mərkəzi Seçki Komissiyasının (MSK) Konstitusiya Məhkəməsinə təqdim etdiyi sənədlərin yoxlanılması və seçkilərin yekunlarının təsdiqi ilə əlaqədar keçiriləcək iclasın vaxtı məlum olub. Məhkəmədən APA-ya verilən məlumata görə, iclas noyabrın 24-də keçiriləcək. Qeyd edək ki, 2015-ci il noyabrın 1-də Azərbaycanda parlament seçkiləri keçirilib.
