“Tərtər işi”ndə həbs olunduğu üçün 123 min təzminat alacaq
GUNDEMİNFO.AZ “Qafqazinfo”ya istinadən xəbər verir ki, bu barədə Nəsimi Rayon Məhkəməsi qərar qəbul edib.
Bildirilib ki, məhkəmə bəraət almış hərbçi Emin Aibovun iddiasını qismən təmin edib.
Qərara əsasən, ona mənəvi ziyana görə 66 min manat, maddi ziyana görə 57 min manat təzminat kəsilib.
İş üzrə cavabdeh qismində Maliyyə Nazirliyi tanınıb.
Qeyd edilib ki, Müddətdən artıq həqiqi hərbi xidmət hərbi qulluqçu (MAXE) E. Aibov dövlətə xəyanət və digər oxşar maddələrlə ittiham edilərək 15 il azadlıqdan məhrum edilmişdi. O, ötən ilin sonunda bəraət alıb.
