Fətullah Gülənin qardaşı qızını da tutdular
Türkiyə çevrilişə cəhd edən Fətullahçı Terror Təşkilatı ilə bağlı aparılan istintaq çərçivəsində Fətullah Gülənin qardaşı uşağı olduğu bildirilən qadın Balıkəsirdə saxlanılıb.
Avropa.info xəbər verir ki, vilayət polisinin verdiyi məlumata görə, istintaq çərçivəsində bir müddətdir izlənilən Əminə Anın bu səhər keçirilən əməliyyat nəticəsində Edremitdə yerləşən evində həbs olunub. Telefonu yoxlanılan qadının tez-tez ABŞ-a zəng etdiyi məlum olub. “ilçə ablası” ləqəbi ilə tanına Əminə anın evində 2 ədəd 1 dollarlıq əsginas, Fətullah Gülənə məxsus xeyli sayda foto və kitab ələ keçirilib. Yaşadığı rayonda həkim işləyən əri İsmayıl Anın da uzun müddətdir axtarışda olduğu bildirilir.
