Məktəblərdə şagirdlər soyuqdan donur? - Açıqlama
Təhsil Nazirliyi havaların soyuq keçməsi ilə əlaqədar məktəblərdə istilik sisteminin quraşdırılmaması, şagirdlərin soyuqdan donması haqda yayılan məlumatlara aydınlıq gətirib.
Təhsil Nazirliyindən AzVision.az-ın sorğusuna cavab olaraq bildirilib ki, maye yanacaqla qızdırılan məktəblərə yanacağın verilməsi prosesi bir müddət olar ki, başlayıb.
Məlumatda qeyd edilib ki, fərdi qazanxanası olan məktəblər isə istiliklə təmin olunub. Qeyri-sabit hava şəraiti ilə əlaqədar olaraq, məktəblərə istiliyin tez verilməsi ilə bağlı müvafiq dövlət qurumuna müraciət olunub.
