Azərbaycanın valyuta ehtiyatları 20% azalıb
Bu ilin 3-cü rübünün yekunlarına görə, Dövlət Neft Fondunun valyuta ehtiyatları 34 milyard 738,1 milyon ABŞ dollar, Azərbaycan Mərkəzi Bankının valyuta ehtiyatları isə 7 milyard 44,2 milyon dollar təşkil edib. Beləliklə, Azərbaycanın valyuta ehtiyatları 41 milyard 782,3 milyon dollar olub. Fins.az-ın məlumatına görə, bu, 2-ci rübün yekunları ilə müqayisədə 5,7% azdır. Ölkənin valyuta ehtiyatları ilin əvvəlinə nisbətən 17,9%, son 1 ildə isə 20,2% azalıb.
