Avropalı jurnalist: "Bakının pivəsini çox bəyəndik"
"Bakı 2015" ilk Avropa Oyunlarını işıqlandırmaq üçün Bakıya səfər edən xarici jurnalistlər buradakı pivədən çox razı qalıblar.
Xorvatiyadan ölkəmizə təşrif buyuran jurnalist Marko Uzelak və Tomas Crncec Milli.Az-ın əməkdaşı ilə söhbətdə bildiriblər ki, Bakının memarlıq cəhətdən gözəlliyi ilə yanaşı, onları razı salan başqa bir şey də olub - Bakının pivəsi. Tomas deyir ki, Bakıya gəldiyi ilk gün şəhərdəki kafelərdən birində oturub və 6-7 parç yerli pivə içib. "Pivə çox xoşuma gəldi. Bu qədər içməyimə baxmayaraq, səhəri gün baş ağrısı da olmadı. İndi hər axşam işdən sonra Bakı pivəsi içirik".
