Azərbaycanlı güləşçi erməni rəqibini ¼ finalda məğlub edib
Bu gün Bakı-2015 Avropa Oyunlarında sərbəst güləşçilərin mübarizəsinə start verilib.
Apasport.az saytının məlumatına görə, yarışın ilk günündə 4 çəki dərəcəsinin qalibləri bəlli olacaq.
Kişilər, sərbəstdə 57 kq çəkidə Azərbaycanı təmsil edən Yaşar Əliyev mübarizəyə 1/8 finaldan başlayıb. Avropa çempionatının bürünc medalçısı ilk qarşılaşmasında fransalı Zoheir El Ouarraqe ilə qarşılaşıb və rəqibini asanlıqla məğlub edib - 9:4. 1/4 finalda erməni Qarik Barsekyanla qarşılaşan Yaşar Əliyev 10:6 hesabı ilə qalib gəlib.
