"Azersun Holding"də hansı ərzaqların qiymətləri artırılıb? - Açıqlama
"Azersun Holding" bu bazar günləri ərəfəsində satış mərkəzlərinə öz məhsullarını yeni qiymətlə təqdim edib. Gundeminfo.az Novosti.az saytına istinadən xəbər verir ki, bu barədə yerli supermarketlərdən birinin sahibi söyləyib.
Hal-hazırda məhsulların piştaxtalarda və kassa aparatında yazılan qiymətləri dəyişdirilir.
"Azərsunun demək olar ki bütün malları yeni qiymətlə gəlib. Qiymət məhsuldan asıllı olaraq 5-20 qəpik artıb”.
Dəyəri artan əsas ərzaq məhsullarının siyahısını təqdim edirik:
- duz;
- un;
- kərə yağı;
- düyü;
- şəkər;
- qənd;
- süd məhsulları.
***
"Azersun Holding"in mətbuat xidmətindən Avropa.info-ya bildiriblər ki, bəzi ərzaq məhsullarının qiymətlərinin artırılması ilə xəbərlər doğrudur. Mətbuat xidmətinin rəhbəri Afiq Səfərov deyib ki, bu artım manatın məzənnəsinin tənzimlənməsi ilə bağlı edilir: "Lakin qiymətlərdə 5-20 qəpik artım olması doğru deyil. "Azersun" un istehsal etmədiyi üçün satışa çıxarılan məhsullar arasında un məhsulları yoxdur".
