Rusiyada yoxsulluğun səviyyəsi azaldı - 5 ildə ilk
Rusiyada yoxsulluğun səviyyəsi 2018-ci ilin nəticələrinə əsasən, 12,9%-ə qədər aşağı düşüb. Axar.az xəbər verir ki, bu barədə Rusiya Statistika Federal Xidməti məlumat yayıb.
Bu rəqəm 2014-cü ildən bu yana qeydə alınan ən aşağı göstərici olub. Belə ki, keçən il ərazində Rusiyada ümumilikdə yaşayış minimumundan daha az gəliri olanların sayı 18,9 milyon nəfər təşkil edib. Bununla belə əhalinin real gəlirləri 0,2% azalıb. Qeyd edək ki, 2017-ci ildə Rusiyada yoxsul əhalinin sayı 19,3 milyon nəfər təşkil edib.
