Sabah Azərbaycanda havanın temperaturu 20 dərəcəyədək yüksələcək
Martın 10-da Bakı və Abşeron yarımadasında dəyişkən buludlu olacağı, əsasən yağmursuz keçəcəyi gözlənilir.
Ekologiya və Təbii Sərvətlər Nazirliyinin Milli Hidrometeorologiya Departamentindən APA-ya verilən məlumata görə, bəzi yerlərdə duman olacaq. Şimal küləyi gündüz cənub-şərq küləyi ilə əvəzlənəcək. Havanın temperaturu Abşeron yarımadasında gecə 5-8, gündüz 10-15 dərəcə isti, Bakıda gecə 5-7 dərəcə, 12-14 dərəcə isti olacaq.
Azərbaycanın rayonlarında hava">havanın əsasən yağmursuz keçəcəyi, gecə və səhər bəzi yerlərdə duman, şərq rayonlarında çiskinli olacağı gözlənilir. Şərq küləyi əsəcək. Havanın temperaturu Aran rayonlarında gecə 5-10, gündüz 15-20, dağlarda 0-5 dərəcə isti, gündüz 9-14 dərəcə isti olacağı ehtimal edilir.
