Azərbaycanın Mərakeşdəki keçmiş səfirinə orden təqdim edilib - FOTO
Azərbaycanın Mərakeş Krallığındakı sabiq səfiri Tarik Əliyev bu ölkənin ali dövlət nişanlarından olan "Usəm Ələvi" ordeninə layiq görülüb.
“Report” Mərakeşin Azərbaycandakı səfirliyinə istinadən xəbər verir ki, azərbaycanlı diplomat iki ölkə arasında münasibətlərin inkişafındakı mühüm xidmətlərinə görə təltif edilib. Ordenin təqdimetmə mərasimi səfirliyin iqamətgahında baş tutub.
Qeyd edək ki, "Usəm Ələvi" ordeni hərbi nişandır, hərbi və mülki xadimlərə Mərakeş dövləti qarşısındakı mühüm xidmətlərinə görə kralın qərarı ilə təqdim olunur.
