"Bu gün və ya sabah əfv olacaq"
Novruz bayram ilə əlaqədar bu gün və ya sabah əfv sərəncamı imzalana bilər. Bunu AzVision.az-a açıqlamasında Əfv Komissiyasının üzvü Əliməmməd Nuriyev bildirib. “Sərəncam bu gün də imzalana bilər, sabah da. Konkret sərəncamın nə vaxt imzalanacağı prezidentin İlham Əliyevin müstəsna səlahiyyətindədir”,-deyə Ə.Nuriyev vurğulayıb.
Komissiyanın digər üzvü Rəşad Məcid isə əfv siyahısının prezidentə təqdim olunduğunu qeyd edib: “Biz siyahını hazırlayıb, prezidentə təqdim etmişik. Ancaq, sərəncamın nə zaman imzalanacağından xəbərsizəm”. Qeyd edək ki, dövlət başçısına təqdim edilən siyahıda 140 nəfərə yaxın məhbusun adı var.
