“Merkeldən FETÖ üzvlərini geri tələb edəcəyik” – Binəli Yıldırım
Almaniyanın kanseleri Merkelin Türkiyə səfərində Suriyalı köçkünlər, sərhəd təhlükəsizliyi və bölgədəki gərginlik müzakirə olunacaq
Strateq.az-ın məlumatına görə, bu barədə Türkiyənin baş naziri Binəli Yıldırım məlumat verib.
Onun sözlərinə görə, iki tərəfli görüşdə Almaniyaya sığınan FETÖ üzvlərinin geri verilməsi də gündəmə gətiriləcək: "Bundan başqa, Almaniya mediasında Türkiyə əlleyhinə aparılan kampaniyalarda mövzumuz olacaq".
Xatırladaq ki, 15 iyul çevrilişə cəhd və ondan əvvəl baş verən hadisələrə görə, Türkiyədən qaçaraq Almaniyaya sığınan xeyli şəxs var. Bunların arasında çevriliş olayında bu və ya digər rollar almış və FETÖ üzvü olduğu iddia olunan 41 hərbçi də var.
