Ali Rada qarşısında təxribat – Saakaşvili tərəfdarları polisə daş və “Molotov kokteyli” atdılar
Sabiq Odessa qubernatoru Mixail Saakaşvilinin tərəfdarları Ali Radanın qarşısında polislə qarşıdurmaya gediblər. Avropa.info xəbər verir ki, baş verən iğtişaşda 8 nəfər yaralanıb. “Ali Rada qarşısında Saakaşvilinin “Yeni qüvvələr hərəkatı” cinayətkar qruplaşması tərəfindən təxribat təşkil olunub. Şinləri gətirərək yandırmağa çalışdılar. Polis əməkdaşları buna icazə vermədikdə onları daşa basdılar” – deputat Anton Qeraşenko belə deyib.
O, Saakaşvili tərəfdarlarının polisə daşdan əlavə “Molotov kokteyli” də atdığını bildirib. Etiraz aksiyasının 9 üzvü saxlanılıb. Öz növbəsində Saakaşvili hadisənin şərh edərək deyib ki, Ali Rada qarşısında baş verən iğtişaşlara onun heç bir aidiyyəti yoxdur.
