Moskvada silahlı şəxs 4 saatdan çoxdur polisə müqavimət göstərir
Rusiya Federal Təhlükəsizlik Xidməti (FTX) Moskva vilayətinin Mıtişi rayonunda genişmiqyaslı əməliyyat keçirir.
APA-nın Rusiya bürosunun məlumatına görə, Mıtişi rayonunun tərkibinə daxil olan qəsəbədə genişmiqyaslı əməliyyat keçirməsi səbəbi ilə sakinlərə evdən çölə çıxmamaq barədə xəbərdarlıq olunub.
Xüsusi əməliyyat qrupunun axtarış keçirməsi qəsəbədə qanunsuz silah saxlaması faktı ilə bağlıdır.
Bildirilib ki, Yeni Veşki qəsəbəsi Pribrejnaya küçəsində aparılan əməliyyat zamanı ev sahibi hüquq-mühafizə orqanlarının əməkdaşlarına atəş açıb, hətta onlara əl qumbarası atıb. Atışma 4 saatdır davam edir.
61 yaşında olduğu bildirilən silahlı şəxs Moskva sakinidir.
