Bu gün onlar xəstəxanadan evə buraxılır
"Qafqazinfo" xəbər verir ki, bu barədə Modern.az-a Bayram Kərimovun ailə üzvləri məlumat verib.
6 illik girovluqdan sonra azad edilən Şahbaz Quliyevin qardaşı İlham Quliyev də hazırda Bakıda olduğunu, qardaşını qarşılamağa gəldiyini deyib:
“Bizə də dedilər ki, bu gün buraxılırlar, gözləyirik. Şükür bu günlərə. Sağ olsun, Ali Baş Komandan, yaşasın Azərbaycan Ordusu”.
Qeyd edək ki, keçmiş əsir və girovlardan 5 nəfər artıq ailələrinə qovuşub.
Xatırladaq ki, dekabrın 14-də Emin Baxşəliyev, Amin Musayev, Yəhya Abdinov, Şərif Əliyev, Ömər Ələkbərov, Nurəddin Yolçuyev, Bayram Kərimov, Şahbaz Quliyev, Dilqəm Əsgərov, Mobil Əhmədzadə, Nurlan Əlizadə, Anar Əliyev erməni əsir və girovluğundan azad edilərək Azərbaycana gətirilib. Onlar xəstəxanada müayinə və müalicə olunurdular.
