Günahsız əfqanları öldürən avstraliyalı hərbçilər mühakimə ediləcək
19 nəfər avstraliyalı hərbçi əsir və silahsız olduqları halda öldürülən 39 əfqanıstanlıya görə mühakimə olunacaq.
“İnterfax” agentliyi xəbər verir ki, istintaq Avstraliya xüsusi təyinatlı zabitlərin Əfqanıstandakı 2005-2016-cı illərdəki fəaliyyətini araşdırır.
Avstraliyalı general Anqus Kempbell bu qətllərin hamısının döyüş sahəsindən kənarda edildiyi barədə etibarlı məlumatlara sahib olduqlarını söyləyib.
“Bu, hərbi davranış və peşə dəyərlərinin ən ciddi şəkildə pozulmasına dəlalət edir”, - deyə yüksək rütbəli hərbçi hadisəyə münasibət bildirərkən qeyd edib.
