Bakıda iki sərnişin avtobusu toqquşub, 7 nəfər xəsarət alıb
Bu gün saat 13:30 radələrində M.Useynov prospektində 5 və 125 nömrəli müntəzəm marşrut xətti üzrə iki sərnişin avtobusunun iştirakı ilə yol nəqliyyat hadisəsi baş verib.
Bakı Nəqliyyat Agentliyindən APA-ya verilən məlumata görə, hadisə Agentlik tərəfindən dərhal nəzarətə götürülüb və hazırda müvafiq araşdırma aparılır. Hər iki marşrut xətti üzrə daşıyıcı şirkət “BakuBus” MMC-dən izahat tələb olunub.
Qəza nəticəsində ölüm halı qeydə alınmayıb.
Sərnişinlərdən 7 nəfər xəsarət alıb. Bildirilib ki, onlara da ilkin tibbi yardım göstərilərək evə buraxılıb.
