`Tahir Kərimlinin adamları seçkini pozmağa çalışır`
`87 saylı Ağsu-İsmayıllı seçki dairəsində Vəhdət Partiyası təxribatla məşğuldur`. Bu haqda AzVision.az-a dairənin 52 və 16 saylı məntəqələrində seçkini izləyən müşahidəçilər məlumat veriblər. Onların sözlərinə görə, həmin məntəqələrdə Vəhdətin üzvü olan bir neçə şəxs aranı qarışdırmağa çalışır. Belə ki, Qafar Yarıyev və Nəriman adlı şəxslər heç bir fakt göstərmədən səs-küy qaldıraraq, “seçki saxtadır” deyə qalmaqal yaratmağa çalışıblar. Dairədən aldığımız digər məlumata görə, orada Tahir Kərimlinin adamları mikroavtobusla məntəqələri gəzməyə və “karusel” yaratmağa cəhd göstəriblər.
