Qaqauz muxtariyyəti Türkiyənin Moldovaya təsir etməsini istəyir
Qaqauz muxtariyyəti Türkiyənin Moldova hakimiyyətinə təsir edəcəyini və bölgənin xüsusi hüquqi statusunun pozulmasına imkan verməyəcəyini gözləyir.
Qaynarinfo xəbər verir ki, bu barədə Qaqauziyanın rəhbəri Yevgeniya Qutsul "RİA Novosti" agentliyinə müsahibəsində bildirib.
"Ötən ilin sentyabrında Türkiyənin xarici işlər naziri Hakan Fidanla görüşdə mən hakim partiyanın və Moldova prezidentinin qaqauz xalqına qarşı yürütdüyü ayrı-seçkilik siyasətindən danışdım. Ümid edirik ki, rəsmi Ankara Moldova hakimiyyətinə təsir edəcək və bizim xüsusi hüquqi statusumuzun pozulmasına imkan verməyəcək", deyə Qutsul bildirib.
Bundan əvvəl Qutsul Türkiyəyə müraciət edərək rəsmi Kişinyovu "regionda sabitliyi pozmaq və Qaqauz muxtariyyətini manipulyasiya etmək cəhdlərindən əl çəkməyə" çağırıb.
Keçən ilin yazında Qaqauziyada bölgə rəhbəri seçkiləri keçirilib, Şor Partiyasından namizəd olmuş Yevgeniya Qutsul qalib gəlib. Moldova hakimiyyəti iyun ayında siyasi qüvvəni konstitusiyaya zidd elan edib və onu başqa şeylərlə yanaşı, Rusiya ilə əməkdaşlıqda ittiham edib.
Qaqauziya Moldovanın cənubundakı muxtariyyətdir və ənənəvi olaraq Rusiya ilə yaxınlaşmanın tərəfdarıdır.
