Çevriliş barədə xəbəri Ərdoğana Putin verib? Kremldən açıqlama
Kreml Rusiyanın Türkiyəni dövlət çevrilişi barədə xəbərdar etməsi məsələsinə münasibət bildirib. Gundeminfo.az modern.az-a istinadən yazır ki, bu barədə Rusiya KİV-i məlumat yayıb. Məlumata görə, Rusiya prezidentinin mətbuat katibi Dmitri Peskov KİV-də Rusiyanın Türkiyəni dövlət çevrilişi barədə xəbərdar etməsi haqqında yayılan xəbərlərə aydınlıq gətirib.
Peskov belə bir məlumatın olmadığını və yayılan xəbərlərin tamamilə yalan olduğunu açıqlayıb: "Belə xəbərləri yayan agentliyin hansı mənbələrə istinad etdiyini bilmirəm” Xatırladaq ki, İranın "Fars" agentliyi Rusiyanın dövlət çevrilişi barədə Türkiyə prezidenti Rəcəb Tayyib Ərdoğana xəbərdarlıq etdiyini iddia edib.
