Moldova Qərbə yalvarır: "Bizi Rusiyadan xilas edin"
Moldovanın Rusiya təbliğatına qarşı dayanması üçün Qərbdəki tərəfdaşlarının dəstəyinə ehtiyac var.
Axar.az xəbər verir ki, bu sözlər Moldova Baş naziri Pavel Filipin ABŞ-ın “Hill” qəzetində dərc olunan məqaləsində yer alıb. Onun sözlərinə görə, Moskva oktyabrın 30-da ölkədə baş tutacaq prezident seçkisindən istifadə edib, ölkədəki stabilliyi pozmaq istəyir:
“Biz avrointeqrasiya yolunu tutmuşuq və bunu davam etdirmək niyyətindəyik. Bu, Moskvanın çox da xoşuna gəlmir. Buna görə də Moldovanın hazırda Vaşinqton və digərlərinin yardımına ehtiyacı var. Yayın əvvəlində Rusiya Dnesteryanıda hərbi təlim keçirdi. Bu, paytaxt Kişniyovun 30 kilometr yaxınlığında idi. Rusiya yumşaq güc tətbiq etməklə yerli KİV-ləri Qərb əleyhinə informasiyaları ilə doldurmaq istəyir. Kreml bununla da qərbyönlü qüvvələri parçalamaq niyyətindədir”.
