Jurnalist, iqtisadçı-ekspert Razı Abasbəyli müraciət yaydı
63 saylı birinci Sabirabad seçki dairəsindən deputatlığa namizəd olan tanınmış jurnalist, iqtisadçı-ekspert Razı Abasbəyli seçki prossesindəki fəaliyyət proqramı ilə bağlı müraciət ünvanlayıb.
- Dəyərli həmyerlilərim!
- Doğma sabirabadlılarım. Mən Sabirabad rayonunun Cavad kəndində kasıb orta məktəb müəllimi olan bir ziyalı ailəsinə anadan olmuşam. Uşaqlıq illərim 90-cı illərin əvvələrində ölkəmizdə müharibə şəraiti və çətin sosial bir dönəmdə keçib. Uşaq ikən böyürtkən kollarından böyürtkən yığıb, çöllərdən yabanı bitən çöl süpürgələri toplayıb, qurumuz ağacları doğrayıb satmaqla ailəmə kömək olub, təhsil almışam. Əkin, biçin tarlasında işləyərək min bir əziyyətlə halal zəhmətimizlə böyümüşəm, təhsil almışam.
- Cavad, Həsənli, Balvar, Surra, Qəzli, Quruzma, Məmişlər, Suqovşan, Qalaqayın, Axıska, Qaralı, Zəngənə, Yolçubəyli, Kürkəndi və başqa onlarca kəndlərdə məni və ailəmi, qohumlarımı tanıyan minlərlə insan var. O İnsanlar bilir ki, BABALARIM, atam doğmalarım hər zaman dövlətimizin və dövlətçiliyimizin yanında olub və hər zaman insanlarımızın sevgisindən, hörmət və ehtiramından başqa heç bir qazanca göz dikməmişik.
- 1996-cı ildə Aran regionu üzrə ABŞ-ın Azərbaycandakı səfirliyi və Milli Demokratiya İnstitunun Azərbaycan Təhsil Nazirliyi ilə birgə keçirdiyi “ABŞ-da ali təhsil proqramı”nda region üzrə 1-ci olmuşam. Ama ilkin olaraq illik təhsil haqqını, 25 min ABŞ dollarlıq təhsil haqqını atam orta məktəb müəllimi olduğuna görə ödəyə bilmədim. Ona görə də mən xaricdə təhsil ala bilmədim...
- Bu günə qədər 3 dəfə seçki prossesində duputatlığımı irəli sürmüşəm. 2010-cü idlə namizədliyim ədalətsiz olaraq qeydə alınmayıb. Avropa Məhkəməsinin qərarıyla mənə qarşı edilən haqsızlıq, ədalətsiz məhkəmə qərarları sübut olunub və haqqım tanınıb.
- Bu seçkilərdə, 2020-ci ilin növbədənkənar Milli Məclis seçkilərində yenidən deputatlığa namizəd olmuşam. İmzatoplama prossesində ədalətsiz olaraq namizədliyimin qeydə alınmasından imtina olunub. Lakin Dövlət Başçımızın gənclərə seçkilərdə aktiv iştirak müraciəti və dairəsini tanıyan insanlarla ünsiyyətdə olan namizədlərin iştirak etməklə bağlı tövsiyyəsindən sonra bu prossesə qatılmışam. Haqlı olduğumuzu sübut edərək qeydə alınma prossesində yaradılan süni və ədalətsiz əngəlləri arxada qoyduq.
- Artıq qeydə alınmışıq.
- Bütün Sabirabad camaatına müraciət edirəm!
- Dəyərli həmyerlilərim, canım sabirbadlılarım indi söz sizindir. Tək bir sözüm VAR:
- Allah CAMAATIMIZDAN RAZI OLSUN!
