Ərdoğan G20-də kimlərlə görüşəcək? - Açıqlama
Türkiyə prezidenti Rəcəb Tayyib Ərdoğanın sözçüsü İbrahim Kalın G20 sammiti ilə bağlı açıqlamalar verib. Avropa.info xəbər verir ki, İbrahim Kalının sözlərinə görə Ərdoğanın ABŞ prezidenti Barak Obama və Rusiya prezidenti Vladimir Putin ilə görüşü dəqiqləşib. Gündəmdə olan məsələlərlə bağlı jurnalistlərin suallarını cavablandıran Kalın G20 zirvəsi ilə bağlı da məsələlərə aydınlıq gətirib.
Kalın sammitdə çıxış edəcək Ərdoğanın 15 iyul çevriliş cəhdini və Gülən camaatı ilə mübarizə məsələlərini də zirvənin gündəminə gətirəcəyini deyib. Kalının açıqlamasına görə Ərdoğanın G20 sammiti zamanı Çin Xalq Respublikasının dövlət başçısı Si Cipinin, ABŞ prezidenti Barak Obama, Rusiya prezidenti Vladimir Putin, Yaponiyanın baş naziri Şinzo Abe, Avropa Birliyi ölkələrinin prezidentləri ilə görüşü dəqiqləşib.
Ərdoğan bundan başqa BMT-nin baş katibi Pan Gi Munu da qəbul edəcək və Fransa, Almaniya və İtaliya liderləri ilə dördlü görüş keçirəcək.
