Tayvanda tayfundan ölənlərin sayı 6-ya çatdı
Tayvanda "Soudelor" tayfununun baş verməsi nəticəsində ölənlərin sayı 6-ya çatıb, 101 nəfərin xəsarət aldığı, 4 nəfərin isə itkin düşdüyü bildirilir. Trend-in məlumatına görə, bu barədə RİA NOVOSTİ Assoşeyted Press informasiya agentliyinə istinadən xəbər verib. Əvvəlki məlumatlarda 4 nəfərin həlak olduğu, 64 nəfərin isə xəsarət aldığı bildirilmişdi. Məlumatda bildirilir ki, 279 yerli, 37 beynəlxalq aviareyslər ləğv olunub. Elektrik enerjisi xətlərində baş verən zədələnmələrə görə, 3 milyon ailə işıqsız qalıb.
