Qarabağdakı rus sülhməramlıları Ukraynaya göndərilir – Rəsmi Kiyev
Bizim.Media xəbər verir ki, bu barədə Ukrayna Baş Qərargahı məlumat yayıb.
Düşmən Ukraynaya qarşı Polissya, Siverski, Slobojanski, Donetsk, Tavriya, Pivdennobujski istiqamətlərində hücum əməliyyatını davam etdirir.
Rus hərbçiləri döyüş hazırlığının bərpası və qoşunların yenidən qruplaşdırılması, həmçinin hücum əməliyyatlarının davam etdirilməsinə hazırlıq üzrə tədbirlər görür.
Rusiya ordusu Ukraynanın Çerniqov, Sumı, Nikolayev, Mariupol, Avdiivka, Volnovaxa şəhərlərində və bütün Ukraynanın iri yaşayış məntəqələrinin ətraflarında, habelə Ukrayna Silahlı Qüvvələrinin qruplaşmalarında mülki infrastruktura raket zərbələri və artilleriya zərbələri endirirlər.
Düşmən qoşunlarının yenidən qruplaşdırılması zamanı Ukrayna ərazisində döyüş əməliyyatlarının aparılması üçün əlavə bölmələr hazırlanır.
Belə ki, mövcud məlumatlara görə, martın 9-10-da Cənub Hərbi Dairəsinin 102-ci Hərbi Bazasının (Gümrü, Ermənistan) 800 hərbçisi daha sonra döyüş bölgəsinə göndərilmək üçün Rusiya Federasiyasına təhvil verilib.
Sakit Okean Donanmasının 40-cı Əlahiddə Dəniz Briqadasının (Petropavlovsk-Kamçatski) 1500-ə qədər üzvü dəmir yolu ilə Belarus Respublikasına göndərilir. 820-ci Raket Hücumları Xəbərdarlıq Mərkəzi (Solneçnoqorsk) Ukraynaya qarşı döyüş əməliyyatlarında iştirak etmək üçün şəxsi heyəti toplayır.
Rusiya Silahlı Qüvvələrinin işğalçı qüvvələrinin itkilərinin təcili yerinin doldurulması məqsədilə “sülhməramlı” kontingentin bir hissəsi Qarabağdan (Azərbaycan) Ukraynaya köçürülür.
Həmçinin, mövcud məlumatlara görə, digər ölkələrdən (Suriya, Serbiya) çoxlu sayda muzdlu silahlılar gəlir.
