Aksiya keçirilən bazarda yerpulu 10 faiz azaldıldı
Yanvarın 21-də Babək prospektində yerləşən, avtomobil ehtiyat hissələri satılan bazarda bir qrup sahibkar yenidən aksiya keçirib. Azadliq.org xəbər verir ki, onlar yenə icarə haqqının azaldılmasını tələb ediblər. Sahibkarlar manatın yarıbayarı ucuzlaşmasından sonra alıcıların və gəlirlərinin azaldığını bildiriblər.
Elə bu gün bazar rəhbərliyi icarə haqlarını 10 faiz azaldıb. Virtualaz.org xatırladır ki, eyni tələblə yanvarın 19-da da etiraz aksiyası olmuş və sayt həmin aksiyadan geniş reportaj vermişdi.
