Dörd “gülənçi” diplomat işdən qovuldu
Türkiyədə 15 iyul hərbi çevriliş cəhdindən sonra ölkənin Xarici İşlər Nazirliyində təmizləmə işləri başlayıb. AzVision.az “Hürriyet”ə istinadən xəbər verir ki, nazirlikdə aparılan araşdırmaların nəticəsində ilk olaraq səfir rütbəsinə malik 4 diplomat XİN sistemindən qovulub.
Onların arasında Türkiyənin Kanadadakı sabiq səfiri Tuncay Babalı və keçmiş prezident Abdulla Gül ilə sabiq baş nazir Əhməd Davudoğlunun müşaviri olmuş Gürcan Balık da var. Nəşr yazır ki, Balık Davudoğlu xarici işlər naziri olarkən onu ABŞ-da Fətullah Gülənlə görüşdürüb. Səfirlərlə birlikdə 2-ci katib rütbəsində və daha aşağı səviyyəli onlarla diplomatın da sistemdən xaric edildiyi bildirilir.
