Zaqatalada avtomobili nömrəsiz idarə edən sürücü məsuliyyətə cəlb edilib FOTO
DİN-in Mətbuat Xidmətinin Şəki regional qrupundan Gundeminfo.az-a verilən məlumata görə, yoxlama zamanı N.Əliyevin atasına məxsus avtomobili sürücülük hüququ olmadan idarə etdiyi də məlum olub. Onunla profilaktik söhbət aparılıb və nəqliyyat vasitələrini dövlət nömrə nişanı olmadan idarə edilməsinə qanunvericiliyin normalarında icazə verilmədiyi bildirilib.
Sürücü N.Əliyev barəsində İnzibati Xətalar Məcəlləsinin 332.2-ci (Nəqliyyat vasitəsini idarə etmək hüququ olmadan nəqliyyat vasitəsinin idarə edilməsinə görə) və 342.7-ci (Dövlət qeydiyyat nişanları və ya onlardan birinin olmamasına, saxta və ya mövcud standartlara uyğun olmayan və ya başqa nəqliyyat vasitələrinə verilmiş dövlət qeydiyyat nişanları ilə nəqliyyat vasitələrini idarə etməyə görə) maddələri ilə protokol tərtib olunub.
