“Əsəbiləşəndə qapını, pəncərəni sındırır” Müğənninin əri
Müğənni Zemfira İbrahimova ailədə özünün sözünü keçirməyə çalışır.
Publika.az xəbər verir ki, ATV telekanalında idmançı həyat yoldaşı Anar Heydərov ilə birgə qonaq olan müğənni ailə münasibətlərindən danışarkən belə deyib:
“Azərbaycan kişiləri kobud və sərt olur. Onlarla yola getmək çətindir. Başqa ölkələrdə də oluruq, cəmiyyət arasına çıxırıq. Bunun bir daha şahidi oluruq. Üstəlik, idmançıdırsa, iş daha da qəlizləşir. Amma mən də fiziki cəhətdən güclüyəm. Bürcüm də buğa bürcüdür. Məğlubiyyəti, ümumiyyətlə, qəbul etmirəm”.
Müğənninin həyat yoldaşı isə xanımının əsəbi olmasına eyham vurub:
“Evimizdə dava olanda bütün qonşular bilir ki, biz dalaşırıq. Qapını, pəncərəni sındırır. Saxlaya bilmirəm onu. İdeal ailə yoxdur. Bu da normaldır”.
Xatırladaq ki, Zemfira İbrahimova “O səs Türkiyə”də də iştirak edib. O, ikinci mərhələdən sonra yarışmanı tərk edib.
